Վանաձորի քաղաքապետարանից տեղեկացանք, որ այս տարի քաղաքում առկա աղբամանների թիվն ավելացել է 48-ով, ու սա հույս է, որ Վանաձորն ավելի մաքուր կլինի:
Ըստ քաղաքապետարանի, այսօր Վանաձորում աղբահանությունն ու սանիտարական մաքրումը կատարվում է ամեն օր, առանձին թաղամասերի ու շենքերի համար` 3 օրը մեկ հաճախականությամբ, իսկ սեփական տարածքներում` շաբաթական 2 անգամ:
Բայց քաղաքում քիչ չէ նաեւ շինարարական աղբը: Քաղաքապետարանը, սակայն չի պատրաստվում դա վերացնել, քանի որ իր խնդիրը չէ, բնակիչները պետք է մաքուր պահեն իրենց համայնքը:
Շինաղբից բացի, Վանաձորում նաեւ առանց կափարիչների դիտահորերի առատություն է: Հատկապես օրվա մութ ժամերին սա մեծ վտանգ ու սպառնալիք է: Բայց եթե քաղաքը մաքուր պահելու համար քաղաքապետարանը խոստանում է նոր աղբամաններ տեղադրել նաեւ հաջորդ տարի, ապա դիտահորերը փակելու հարցը ընդամենը քննարկվում է, թե երբ որոշում կկայացվի եւ այն երբ կիրականացվի՝ դեռ պարզ չէ:
