Հատված այսօր «Արեւելյան գործընկերություն. Զարգացումների ներքաղաքական եւ Եվրոպական համատեքստը» խորագրով խորհրդաժողովում ՀՀ ԱԳ նախարար Էդվարդ Նալբանդյանի ելույթից. «Եվրոպական արժեքների` ազատության, ժողովրդավարության, օրենքի գերակայության վրա հիմնված պետական համակարգ ունենալու ձգտումը միշտ հաստատուն է եղել մեր հասարակության մեջ: Եվրոպական արժեհամակարգը քաղաքացիների սեփականությունը դարձնելու եւ մեր տարածաշրջանի երկրները միմյանց եւ Եվրամիությանը մոտեցնելու գործում մեծ է հասարակական կազմակերպությունների դերը:
Արեւելյան գործընկերության շրջանակներում գործող հարթակները կոչված են ընդհանուր եվրոպական արժեքների տարածման միջոցով նպաստելու բաժանարար գծերի վերացմանը, փոխճանաչելիության աստիճանի բարձրացմանը, խաղաղ ու բարեկեցիկ ապագայի կերտմանը:
Ցանկանում եմ ընդգծել, որ Հայաստանի իշխանությունները կարեւորում են քաղաքացիական հասարակության ներգրավվածությունը ինչպես Եվրոպական Միության հետ համագործակցության համատեքստում, այնպես էլ երկրում տարբեր ոլորտներում իրականացվող բարեփոխումների գործընթացներում»:
Ըստ ԱԳՆ հաղորդագրության
Կարդացեք նաև
