Քաղաքացին դժգոհ է. նա հոկտեմբերի 17-ին Իջեւանում մասնակցել է ընտրությունների անցկացման մասնագիտական դասընթացին ու ստուգարքին, սակայն անհաջողության մատնվել: Ստուգարքը հաջողությամբ հաղթահարածները հնարավորություն են ստանում ընդգրկվելու ընտրական հանձնաժողովների կազմում: Ստուգարքից «կտրվածն» ասում էր, որ դասընթացավարն իր հետ խիստ էր, դժկամ, որ նրա այդ վերաբերմունքի պատճառը գուցե այն է, որ ինքը որեւէ կուսակցության ցուցումով չէ դասընթացին մասնակցել, այլ` սեփական նախաձեռնությամբ: Այս խնդրի կապակցությամբ զրուցեցինք թիվ 41 ընտրատարածքային ընտրական հանձնաժողովի նախագահի տեղակալ, ՀՀԿ անդամ Սմբատ Գասպարյանի հետ, որն այդ օրը ներկա է եղել Իջեւանի տուրիզմի կենտրոնում կայացած դասընթացին եւ ստուգարքին: Վերջինս ասաց, որ դասընթացը եւ ստուգարքը բնականոն են անցել, որ դրանց մասնակցել են նաեւ իր երկու բարեկամները` քեռին եւ քեռու թոռը: Առաջինը հաջողությամբ հանձնել է ստուգարքը , իսկ թոռը` չի կարողացել:
Երբ ուսումնասիրում ենք ԿԸՀ-ի կայքում հրապարակված՝ Տավուշի մարզում ստուգարքը հաջողությամբ հանձնածների ցուցակը, ապա տեսնում ենք, որ դրանց մեջ գերակշռում են մարզի համայնքապետարանների եւ դպրոցների մանկավարժները:
Ոսկան ՍԱՐԳՍՅԱՆ
