ՀՀ ոստիկանության պետ, ոստիկանության գեներալ-լեյտենանտ Վլադիմիր Գասպարյանի հրամանով, ոստիկանության Մեծամորի բաժնի պետ, ոստիկանության փոխգնդապետ Արթուր Պողոսյանը ազատվել է զբաղեցրած պաշտոնից եւ ուղարկվել կադրերի տրամադրության տակ: Ինչպես Aravot.am-ին հայտնում է ֆոտոլրագրող Գագիկ Շամշյանը՝ իր ունեցած տեղեկություններով, Ա.Պողոսյանի պաշտոնանկությունը պայմանավորված է ոստիկանության Մեծամորի բաժնի վրա ծածանվող եռագույնի անմխիթար, քրքրված լինելով:
Հիշեցնենք, որ նոյեմբերի 7-ին ֆոտոլրագրողը տեսանյութ ու ֆոտոռեպորտաժ էր պատրաստել` այդ դրոշի վերաբերյալ:
ՀՀ ոստիկանապետի մեկ այլ հրամանով՝ ոստիկանության փոխգնդագետ Գրիշա Ամիրխանյանը ազատվել է ոստիկանության կենտրոնականի բաժնի պետի օպերգծով տեղակալի պաշտոնից ու նշանակվել ոստիկանության Նոր Նորքի բաժնի պետ:
ՀՀ ոստիկանապետի մեկ այլ հրամանով, ոստիկանության Կենտրոնականի բաժնի քրեական հետախուզության բաժանմունքի պետ, ոստիկանության մայոր Արթուր Հովհաննիսյանը ազատվել է իր զբաղեցրած պաշտոնից և նշանակվել ոստիկանության կենտրոնականի բաժնի պետի օպերգծով տեղակալ:
Կարդացեք նաև
ՀՀ ոստիկանապետի մեկ այլ հրամանով, ոստիկանության փոխգնդապետ Միհրան Քեշիշյանը, ում նկատմամբ հայտարարվել է հետախուզում, ազատվել է ոստիկանության Էրեբունու բաժնի պետի օպերգծով տեղակալի պաշտոնից: Նրա փոխարեն այդ պաշտոնում նշանակվել է ոստիկանության փոխգնդապետ Արսեն Ավոյանը:
