Երեկ գիշեր թունավորման ախտանիշներով Կապանի բժշկական կենտրոնի ինֆեկցիոն բաժանմունք են տեղափոխվել մարզկենտրոնի Շինարարների թաղամասի միեւնույն ընտանիքի 3 անդամներ՝ 1972, 1996, 1998 թվականներին ծնված իգական սեռի ներկայացուցիչներ: Հիվանդանոցի ինֆեկցիոն բաժանմունքի վարիչ Աիդա Բադալյանի տեղեկատվությամբ՝ թունավորվածները ստացել են համապատասխան բուժօգնություն, եւ ներկա դրությամբ նրանց առողջական վիճակը բավարար է գնահատվում: Ենթադրվում է, որ տուժածները թունավորվել են տան պայմաններում պատրաստված պիցցայից: Թունավորման ստույգ պատճառները կպարզվեն այսօր՝ լաբորատոր ստուգման արդյունքների հայտնի դառնալուց հետ:
ՄԵՐԻ ՍՈՂՈՄՈՆՅԱՆ
«Առավոտ» օրաթերթ
