Սեպտեմբերի 6-ին եւ 7-ին գրել ենք, որ սեպտեմբերի 2-ին Նոյեմբերյանի ոստիկանության քննչական բաժնում քրեական գործ էր հարուցվել Կողբ գյուղի 17-ամյա բնակչուհու բռնաբարության կապակցությամբ: Լուրեր կային, որ բռնաբարողները Նոյեմբերյանի բնակիչ 3 ընկերներ են (որոնց թվում են Նոյեմբերյանի քաղաքապետ Վանուշ Ամիրաղյանի եւ ոստիկանության մի մայորի որդիները): Հետո լուրեր եղան, որ աղջիկը իրավապահներին ասել է, թե իրեն չեն բռնաբարել: Նոյեմբերյանի ոստիկանության քննչական բաժնի պետ Գագիկ Նասիբյանը հրաժարվում է գործի մասին մանրամասներ հաղորդել, ասելով միայն, որ քննությունը շարունակվում է: Նրա խոսքով, առաջիկայում գործի մասին ինքը կզեկուցի Հայաստանի գլխավոր դատախազություն:
Դեպքին իրազեկ աղբյուրները հայտնում են, որ տղաների հետ սեռական հարաբերություն ունենալուց հետ 17-ամյա աղջիկը նրանցից մի քանի հազար դրամ գումար է պահանջել, սակայն չի ստացել: Նույն աղբյուրը պնդում է, որ դեռահաս աղջիկը նախկինում բազմաթիվ սեռական կապեր է ունեցել:
Գործի քննությունը շարունակվում է:
Կարդացեք նաև
ՈՍԿԱՆ ՍԱՐԳՍՅԱՆ
