Երեկ «Նովոստի» միջազգային մամուլի կենտրոնում տեղի ունեցավ ասուլիս` նվիրված ճապոնական ֆիլմերի փառատոնին, որը կանցկացվի նոյեմբերի 8-12-ը՝ Երեւանում եւ Գյումրիում: Փառատոնը կազմակերպել են Հայաստանում Ճապոնիայի դեսպանատունը եւ «Hikari» հայ-ճապոնական գիտակրթական եւ մշակութային կենտրոնը: Ներկա էին «Hikari» մշակութային կենտրոնի նախագահ Կարինե Փիլիպոսյանը, Այկիդո Այկիկայ Հայաստանի ֆեդերացիայի նախագահ Արմեն Ավետիսյանը եւ կինոգետ Րաֆֆի Մովսիսյանը: Փառատոնի շրջանակներում ցուցադրվելու է 5 լիամետրաժ գեղարվեստական ֆիլմ: Արմեն Ավետիսյանը իր աշակերտների հետ ցուցադրական ելույթ կունենա փառատոնի բացումից առաջ:
