Ոստիկանության Չարբախի բաժանմունքի եւ Ճանապարհային ոստիկանության ծառայողները նոյեմբերի 7-ին, ժամը 01.40-ին, Արարատյան փողոցում ծառայություն կատարելիս, կանգնեցրել են «Մերսեդես Ե-320» մակնիշի մի ավտոմեքենա: Արարատի մարզի Դարակերտ գյուղի բնակիչներ վարորդն ու 3 ուղեւորները, թմրանյութ պատրաստելու եւ պահելու կասկածանքով, բերման են ենթարկվել ոստիկանություն: Ավտոմեքենայի զննությամբ բեռնախցկից հայտնաբերվել է կանեփանման 40 գ կշռով կանաչ զանգված: Ըստ վարորդի բացատրության` զանգվածը պատրաստել է նոյեմբերի 3-ին՝ Արարատի մարզի Դարակերտ գյուղի Զանգվի գետափի հատվածում վայրի աճած կանեփի խոտաբույսից եւ օգտագործել է ծխելու եղանակով: Հայտնաբերված կանեփանման զանգվածն ուղարկվել է փորձաքննության:
