Մինչեւ այս տարվա վերջ «ԱրմենՏել» ընկերությունը կավարտի Ալավերդի քաղաքի ավելի քան 1400 բաժանորդի՝ թվային հեռախոսակայանին միացնելու աշխատանքները, ինչը թույլ կտա ապահովել քաղաքի բնակիչներին թվային ֆիքսված կապի եւ լայնաշերտ ինտերնետի բարձրորակ ծառայություններով: Ընկերության գլխավոր տնօրեն Իգոր Կլիմկոյի խոսքերով. «Ավարտին է մոտենում «ԱրմենՏել» ընկերության ենթակառուցվածքի արդիականացման հերթական նշանակալից փուլը: Մինչեւ տարեվերջ Հայաստանի կապի միասնական օպերատորը Մասիս քաղաքի ամբողջական թվայնացմանը զուգահեռ՝ Ալավերդու բնակիչներին կառաջարկի նաեւ ֆիքսված կապի եւ լայնաշերտ ինտերնետի ծառայությունների նոր որակ»:
Նշենք, որ թվային կայաններին միացված է «ԱրմենՏել» ընկերության ֆիքսված կապի բաժանորդների 82%-ը, իսկ բաժանորդային ցանցի մալուխների ընդհանուր երկարությունը գերազանցում է 13000 կմ-ն:
