ՀՀ ԱՆ «Նուբարաշեն» ՔԿՀ-ում գտնվող դատապարտյալներից մեկին թմրանյութ փոխանցելու փաստի առնչությամբ ՔԿՀ-ում նրանց վերաբերյալ նյութերի նախապատրաստման եւ ոստիկանության Էրեբունու քննչական բաժին ուղարկելուց հետո բռնվել են ոստիկանները:
ՀՀ ոստիկանության շտաբի Բարեփոխումների մշակման եւ ծրագրերի համակարգման բաժնի ավագ տեսուչ Կարեն Խաչատրյանը եւ ոստիկանության Էրեբունու բաժնի պետի օպերատիվ գծով տեղակալ Միհրան Քեշիշյանը այդ գործով պատասխանատվությունից ազատելու համար ստացել են 13.000 ԱՄՆ դոլար կաշառք: Կ. Խաչատրյանն ընդունել է գումարը վերցնելու եւ Միհրան Քեշիշյանին փոխանցելու փաստը: Նախապատրաստված նյութերն ուղարկվել են հատուկ քննչական ծառայություն: ՀՔԾ-ից տեղեկացանք, որ Միհրան Քեշիշյանը փախուստի է դիմել:
