Երեկ Հայաստանում ԱՄՆ նորանշանակ դեսպան Ջոն Հեֆերնը այցելել է «Ազատ դեմոկրատներ» կուսակցության գրասենյակ: «Ազատ դեմոկրատների» վերնախավի հետ հանդիպման ընթացքում քննարկվել են Հայաստանում ժողովրդավարության վիճակին, արտաքին հարաբերություններին, հասարակական-քաղաքական գործընթացներին վերաբերող հարցեր: Ավելի ուշ հայտնի դարձավ, որ ԱՄՆ նորանշանակ դեսպանն իր նախաձեռնությամբ հանդիպել է նաեւ ՀԱԿ առաջնորդ Լեւոն Տեր-Պետրոսյանի հետ:
