«Դիմել ենք միջազգային հանրությանը՝ այն պահանջով, որ մոտ 2000 դիտորդ ուղարկվի ընտրություններին: Դա թույլ կտա ամեն տեղամասում ունենալ մեկ դիտորդ: Այդ գաղափարը հետաքրքրությամբ է ընդունվում միջազգային հանրության կողմից, անգամ Եվրոպայի խորհրդի վերջին բանաձեւի մեջ խոսվում է այն մասին, որ բազմամարդ առաքելություն ուղարկվի ընտրությունները վերահսկելու նպատակով»,- երեկ «Ազատություն» ռադիոկայանի հետ զրույցում ասել է՝ ՀԱԿ համակարգող Լեւոն Զուրաբյանը: Մեկնաբանելով իշխանական կուսակցությունների մոտակա նախընտրական տրամադրությունները, ՀԱԿ համակարգողն ասել է, որ Կոնգրեսը պատրաստ է ընտրություններին. «Բոլոր հանձնարարությունները տրված են, որ պատրաստ լինենք ընտրություններին ցանկացած պահի: Մենք ամեն նախկին սովետական շրջանում ունենք շտաբ: Այդ շտաբը քարոզչական աշխատանքներ է կատարում, նաեւ հանձնարարություններ են տրված՝ պատրաստվելու ընտրական պրոցեսներին»:
