«Ռոլան Բիկով» հիմնադրամի եւ «Հայաստանի նոր անուններ» կազմակերպության մասնակցությամբ Գեղագիտության ազգային կենտրոնում հայ երեխաները ներկայացրեցին ճապոնական եւ հայկական երաժշտություն:
Համերգային ծրագրի ղեկավար Սիլվա Մեքինյանը նշեց, որ համերգի նպատակն է՝ ներկայացնել մեր պատանի տաղանդներին եւ գործիքների հնչողությունը. «Հայկական եւ ճապոնական երաժշտությունները նման են: Մեր երեխաները հաճույքով բացահայտեցին երաժշտական Ճապոնիան»:
Համերգին ներկա ՀՀ-ում Ճապոնիայի արտակարգ եւ լիազոր դեսպան Տիկախիտո Խարադան նշեց, որ համերգն անակնկալ էր իր համար. «Երեխաները տաղանդավոր են եւ Հայաստանի ապագա ժողովրդական արտիստներ»:
