«Եթե Անկարան ցանկանում է ներդրում ունենալ ԼՂ հարցի կարգավորման գործընթացում, պետք է կարգավորի հարաբերությունները Երեւանի հետ»,- ադրբեջանական լրատվամիջոցների փոխանցմամբ՝ Բաքվում ասել է Միջազգային ճգնաժամային խմբի Եվրոպական ծրագրերի ղեկավար Սաբինա Ֆրեյզերը։ Ընդգծելով, որ Անկարան հետաքրքիր գաղափարներ ունի խնդրի կարգավորման առնչությամբ, նա նաեւ ասել է. «Սակայն Թուրքիան Հայաստանի հետ սահմանների հետ կապված խնդիր ունի»։
Ըստ Սաբինա Ֆրեյզերի, առաջիկա երկու տարում ղարաբաղյան հակամարտության կարգավորման հարցում առաջընթաց պետք չէ սպասել:
Որպես իր ասածի հիմնավորում՝ նա նշել է, որ թե՛ միջնորդ երկրներում, թե՛ Հայաստանում եւ Ադրբեջանում սպասվում են ընտրություններ, եւ փորձը ցույց է տալիս, որ այդ ժամանակաշրջանում բանակցային գործընթացը դանդաղում է:
