Ըստ vslux.ru-ի, ՌԴ գիտությունների ակադեմիան երկրի կոռումպացված կառույցներից է: ՌԴ ԳԱԱ լեզվաբանության ինստիտուտում վերջերս կրկին սկանդալ է ծագել. մարդկանց զայրացրել է որոշ փաստերի «ջրի երես դուրս գալը»: ՌԴ ԳԱԱ այս ինստիտուտում գիտնականները հիմնականում հարմարվել են իրենց չնչին աշխատավարձին եւ շենքի անմխիթար վիճակին: Լեզվաբանության ինստիտուտը վերջին անգամ նորոգվել է «պերեստրոյկայի» տարիներին: vslux.ru-ն հաղորդում է, որ ինստիտուտը երկար տարիներ քաղաքի լավագույն մասերում, մասնավորապես՝ Կրեմլի եւ Նովի Արբատի մոտակայքում գտնվող իր տարածքները գրոշներով վարձակալության է տվել զանազան կազմակերպությունների եւ 1քմ-ի համար ստացել ընդամենը 2000 ռուբլի: Սա նշանակում է, որ ինստիտուտի տարածքում գտնվող «Լուսնի տաճար» ռեստորանը տարեկան ընդամենը 150000 ռուբլի է վճարում, մինչդեռ հարեւան կազմակերպությունները՝ 10 անգամ ավելի: Ըստ աղբյուրի, ակադեմիայի ղեկավարներից Վալերի Դեմյանկովն է պղտոր ջրում չաղլիկ ձուկ որսացողներից մեկը: Նույն հոդվածից տեղեկանում ենք նաեւ, որ ակադեմիայի մեկ այլ ինստիտուտի տնտեսական հարցերով տնօրենը վերջերս հեռացվել է աշխատանքից, քրեական գործ է հարուցվել: Համեստ աշխատավարձ ստացող «ակադեմիականի»՝ Իսպանիայում գտնվող անշարժ գույքը եւ հաշիվների մեծությունը ուղղակի շոկի մեջ են գցել գիտական հանրությանը: Այժմ իրավապահները հետաքրքրված են, թե ինչու է Դեմյանկովը այդքան բարի արենդատու:
