«Ժառանգության» եւ ոստիկանության «նախանձելի հարաբերությունների» մի դրվագ
«Ժառանգություն» խմբակցության քարտուղար Լարիսա Ալավերդյանը կարծում է Հայաստանում կատարվող պաշտոնանկությունները նախագահի Մոսկվա այցով եւ այնտեղից «դաբրո» ստանալով չեն պայմանավորված: «Ես մտածում եմ՝ Մոսկվայի համար ի՞նչ տարբերություն կա, էն մեկն ա, թե՝ էս մեկը: Մեկ է, կարծես թե խնդիրներ չի ունենում Մոսկվան մեր նախագահների հետ,- ասում է Լարիսա Ալավերդյանը,-
ես կապում եմ նրա հետ, թե էստեղից ինչ ազդակ է գնում, եւ Ռուսաստանի համար մեծ հաշվով, թե որ մեկը կլինի՝ մեկ է»:
Անդրադառնալով Հովիկ Աբրահամյանի հավանական հաջորդին՝ Լարիսա Ալավերդյանն ասաց, որ այդ մարդը պետք է լինի մեկը, «ով ավելի հստակ է իրեն դրսեւորել որպես կատարող, ում մտքով չի անցնի ինքնուրույն գործոն դառնալ»:
«ժառանգություն» խմբակցության քարտուղարը խոսեց նաեւ ոստիկանությունում կատարված փոփոխությունների մասին: Նախկին ոստիկանապետ Ալիկ Սարգսյանի եւ «Ժառանգության» հարաբերությունները, ըստ Լարիսա Ալավերդյանի, նախանձելի են, լավ էին: «Մենք ամեն անգամ փորձում էինք օգնել ոստիկանապետին եւ ոստիկանությանը պահպանել օրինականություն, դրանից լավ բան ես չգիտեմ»,- ասում է նա: Ոստիկանապետի պաշտոնում Վլադիմիր Գասպարյանի նշանակումը տիկին Ալավերդյանը դրական է գնահատում. «Ես հույսս դնում եմ ոչ թե նրա վրա, թե Վլադիմիր Գասպարյանը ինչ կանի, այլ նրա վրա, որը միջազգային պրակտիկան ցույց է տվել՝ երբ որ փոփոխություն է տեղի ունենում, այդ արանքում, այդ առաջին ժամանակահատվածում պետք է որոշ հարցերում (հասարակության օգնությամբ է, ճնշմամբ է, թե ինչ է) դրական փոփոխություններ են տեղի ունենում : Հետո ոտին տեղ անելուց հետո, գնում են այն բացասական գործընթացները, որոնք ներհատուկ են մեզ նման երկրներին»:
Կարդացեք նաև
Հռիփսիմե ՀՈՎՀԱՆՆԻՍՅԱՆ
