Նախօրեին ՀՀԿ փոխնախագահ Գալուստ Սահակյանը հայտարարել էր, թե «կլինեն նոր պաշտոնանկություններ, բայց էական փոփոխություններ չեն լինի»: Բառացիորեն մի քանի ժամ անց հայտնի դարձավ, որ ԱԺ նախագահ Հովիկ Աբրահամյանը հրաժարական է տվել:
«ՉԻ»- Մենք, իհարկե, բացառում ենք, որ իշխանական համակարգում եւ հատկապես ՀՀԿ-ում կարող են տեղի ունենալ իրադարձություններ, որոնց մասին ամենագետ Գալուստ Սահակյանը տեղյակ չլինի, հետեւաբար նրա հայտարարությունը միայն մի բան է նշանակում. Հովիկ Աբրահամյանի պաշտոնանկությունն «էական» չէ: Պարզ ասած՝ Հովիկ Աբրահամյանն ինքը «էական» չէ Գալուստ Սահակյանի համար: Այս փաստն ինքնին վկայում է Գալուստ Գրիգորիչի քաղաքական բացառիկ հոտառության մասին, որովհետեւ նա, որպես քաղաքական գործիչ, պարտավոր է անսխալ զգալ, ըե երբ պետք է ինչ-որ մեկին «ականավոր պետական գործիչ» համարել, եւ երբ՝ «ոչ էական»:
Կարդացեք նաև
Մյուս կողմից էլ, սակայն, պետք է արձանագրել, որ Հովիկ Աբրահամյանը միանգամայն իրավացի էր, երբ ժամանակին հայտարարում էր, թե քաղաքականությամբ զբաղվելու համար շատ խելք պետք չէ:
«Չորրորդ ինքնիշխանություն»
