Հունաստանում հակաճգնաժամային միջոցառումների փաթեթն ընդունելու հարցով հանրահաքվեն տեղի կունենա դեկտեմբերի 4-ին կամ 5-ին: BBC-ի փոխանցմամբ, այդ մասին հայտարարել է Լյուքսեմբուրգի վարչապետ Ժան-Կլոդ-Յունկերը: Այդպիսի որոշում է ընդունվել Կաննում` եվրոպական երկրների առաջնորդների եւ Հունաստանի վարչապետ Յորղոս Պապանդրեուի հանդիպման արդյունքում:
Ինչպես հաղորդել է Ֆրանսիայի նախագահ Նիկոլա Սարկոզին, Աթենքը հակաճգնաժամային տրանշի հաջորդ մասնաբաժինը կստանա միայն հանրահավքեի անցկացումից հետո:
Հիշեցնենք, որ ավելի վաղ Գերմանիայի ֆինանսների նախարար Վոլֆգանգ Շոյբլը հայտարարել էր, որ եթե հանրաքվեի արդյունքում Հունաստանին ԵՄ կողմից առաջարկվող վարկավորման նոր ծրագիրը մերժվի, ապա հույները ստիպված կլինեն լքել եվրոգոտին:
ԵՄ երկրների կողմից Հունաստանին առաջարկված եւ այս երկրի հասարակության կողմից դիամդրության արժանացած հակաճգնաժամային ծրագիրը հանրաքվեի դնելու մասին մի քանի օր առաջ հայտարարել էր հենց երկրի վարչապետ Պապանդրեուն:
