«ԷկոԼուր» հասարակական կազմակերպությունից տեղեկացանք, որ SOS Սեւան արշավին Facebook սոցիալական ցանցում միացել են Հայաստանի գրեթե բոլոր մարզերից:
Այս պահին Սեւանի պաշտպանությամբ են հանդես գալիս` Վանաձորի Օրհուս կենտրոնի համակարգող Պերճ Բոջուկյանը (Լոռու մարզ), Իջեւանի Օրհուս կենտրոնի համակարգող Գագիկ Աղբալյանը (Տավուշի մարզ), «Բիոսոֆիա» հ/կ-ի նախագահ Գեւորգ Պետրոսյանը (Գյումրի քաղաք, Շիրակի մարզ), Ալավերդու Օրհուս կենտրոնի համակարգող Անուշ Էվոյանը (Լոռու մարզ), Արարատի Օրհուս կենտրոնի համակարգող Հռիփսիմե Սարգսյանը (Արարատի մարզ), Գորիսի Օրհուս կենտրոնի համակարգող Նվեր Պողոսյանը (Սյունիքի մարզ), Հրազդանի Օրհուս կենտրոնի համակարգող Անահիտ Մնացականյանը (Կոտայքի մարզ), «Մարտունու կանանց համայնքային խորհուրդ» հ/կ-ի նախագահ Անահիտ Գեւորգյանը (Գեղարքունիքի մարզ), «Դալմա-Սոնա» հիմնադրամի նախագահ Ռուզաննա Ղազարյանը (Երեւան), Գնդեվազ համայնքի երիտասարդությունը (Վայոց ձորի մարզ), «Անկախ» շաբաթաթերթից Քրիստինա Տեր-Մաթեւոսյանը:
SOS Սեւան արշավը պայքար է Սեւանա լճի ավազանում՝ Սոթքում, Արդանիշում, Շորժայում հանքերի շահագործման դեմ: «Միկա ցեմենտ» ընկերությունն արդեն ոչնչացրել է Արդանիշի թերակղզու յուրահատուկ լանդշաֆտը, Սեւանի ձկնապաշարների անկման, լճի ճահճացման, կենցաղային եւ հանքարդյունաբերական թափոններով աղտոտման մասին լուրերը օր օրի առավել մռայլ պատկերն են ներկայացնում:
