Տավուշի մարզի գյուղերի միայնակ պառավները Կողբում ծեր կնոջ բռնաբարությունից եւ Իջեւանում բռնաբարության փորձից հետո գիշերները ամուր փակում են դռները: Մինչ օրս, հատկապես օրվա լույս ժամերին գյուղի ցանկացած բնակիչ կարող էր ազատ ելումուտ անել ցանկացած այլ բնակչի տուն: Հիմա այլ բարքեր են, առավել զգուշավոր՝ հատկապես օրվա մութ ժամերին:
Հիշեցնենք, որ հոկտեմբերի 31-ին Իջեւանում 69-ամյա կնոջը բռնաբարելու փորձ կատարած Վազգեն Օհանյանի նկատմամբ քրեական գործ է հարուցվել ՀՀ քրեական օրենսգրքի 34-138 հոդվածի 1-ին մասով (բռնաբարության փորձ) եւ 147 հոդվածի 1-ին մասով ( բնակարանի անձեռնմխելիության խախտում): Տեղեկացրել ենք, որ նա նախկինում գողության համար դատապարտվել եւ 2 տարի 3 ամիս անցկացրել է ազատազրկման վայրում:
Մեր տեղեկություններով, Օհանյանը ազատազրկման վայրից վաղաժամկետ ազատվել է համաներմամբ:
Ոսկան ՍԱՐԳՍՅԱՆ
