Այսօր ԱԺ «ժառանգություն» եւ ՀՅԴ խմբակցությունների պատվիրակությունները Հայաստանում ԵՄ պատվիրակության գրասենյակում հանդիպեցին Հայաստան-Եվրամիություն խորհրդարանական համագործակցության հանձնաժողովի պատվիրակության անդամներին: «ժառանգությունը» ներկայացնում էին խմբակցության ղեկավար Ստյոպա Սաֆարյանը եւ քարտուղար Լարիսա Ալավերդյանը, իսկ ՀՅԴ-ը` խմբակցության ղեկավար Վահան Հովհաննիսյանը եւ պատգամավոր Լիլիթ Գալստյանը: Ընդդիմադիր խորհրդարանական կուսակցությունների կողմից առաջարկվեց նոյեմբերի 2-ին եւ 3-ին Երեւանում այդ հանձնաժողովի հերթական նիստում քննարկել եւ հաստատվելիք փաստաթղթում ընդգրկել մի շարք հրատապ հարցեր: Առաջարկները վերաբերում էին Ընտրական օրենսգրքում փոփոխություններին, մասնավորապես` ԿԸՀ եւ ԸԸՀ-ների ձեւավորման նախկին մոդելի վերադարձին, ընտրողների ստորագրությամբ ցուցակների մատչելիությանը, հարյուր տոկոսանոց համամասնական ընտրակարգին անցնելուն, որոնք մեկ տարուց ավելի համարվում են «ժառանգության» եւ ՀՅԴ-ի համատեղ պահանջները:
Ըստ «Ժառանգության» լրատվական ծառայության մամուլի հաղորդագրության
