Դասընթացի մասնակիցներից կընտրվեն թեկնածուի կամ կուսակցությունների առաջնորդների բարեկամներն ու ծանոթները
Արդեն մեկ ամիս է Հայաստանի հանրապետության կենտրոնական ընտրական հանձնաժողովը ընտրատարածքային ընտրական հանձնաժողովների միջոցով դասընթաց-քննություններ է կազմակերպում հանձնաժողովների աշխատակիցների համար:
Հանձնաժողովներում աշխատելու համար դիմել է 40 հազարից ավելի մարդ, սակայն ըստ կազմակերպիչների, դա 5 անգամ ավել է պահանջվող կազմից: Կազմակերպիչները նշում են, որ հանրապետության 1080 ընտրատեղամասերում 8000 աշխատակիցը լիովին բավարար է: «Սակայն եթե առաջարկը կա, պարտավոր ենք, օրը 2 անգամ առնվազն 120 մարդու համար դասընթաց կազմակերպել եւ վերապատրաստել: Այս դեպքում ձեզ առաջարկող անհատը կամ կուսակցության անդամը կկարողանա ընտրություն կատարել, որ ավելի վստահելի մարդիկ կընդգրկվեն հանձնաժողովներում»,-ասում են Լոռու մարզ այցելած ԿԸՀ-ի աշխատակից Ստեփան Բարսեղյանը:
Քննության ընթացքում դասընթացի կազմակերպիչներն օգնում էին իրենց ծանոթ-բարեկամներին, ակնհայտ գործում էր խնամի-ծանոթ-բարեկամ /ԽԾԲ/ տարբերակը:
ՆԵԼԼԻ ԴԱՎԹՅԱՆ
