Ֆուտբոլի Հայաստանի կանանց հավաքականը Եվրոպայի առաջնության ընտրական մրցաշարի շրջանակներում նոյեմբերի 20-ին եւ 23-ին, համապատասխանաբար, հյուրընկալվելու է Դանիայի եւ Չեխիայի ընտրանիներին: Հակառակ տղամարդկանց ազգային հավաքականի, մեր աղջիկները մինչեւ այժմ անցկացրած երեք հանդիպումներում միայն հիասթափեցրել են ֆուտբոլասերներին՝ հաջորդաբար խոշոր հաշվով պարտություններ են կրելով Պորտուգալիայից՝ 0:8, Դանիայից՝ 0:5 եւ Ավստրիայից՝ 0:3 եւ գնդակների 0:16 խայտառակ տարբերությամբ առանց միավորի եզրափակում են խմբի մրցաշարային աղյուսակը:
Եվրոպայի առաջնության հաջորդ փուլ անցնելու հեռանկար ի սկզբանե չկար ու չի էլ եղել: Սակայն այսօր հայ ֆուտբոլասերներին հետաքրքրում է, թե մեր կանանց հավաքականն, ի վերջո, մրցակցի դարպասը կգրավի՞, կամ, որ ավելի անհավանական է թվում, հաղթանակ կտոնի՞:
