Հետեւելով Միացյալ Նահնագների օրինակին, Կանադան եւս որոշում է ընդունել դադարեցնել ՅՈՒՆԵՍԿՕ-ի (ՄԱԿ-ի կրթության, գիտության եւ մշակույթի կազմակերպության) ֆինանսավորումը: Այդ որոշումը, ինչպես ԱՄՆ-ի դեպքում, պայմանավորված է կազմակերպությանը Պաղեստինի անդակացությամբ: Կանադային կայացրած որոշման մասին հայտարարել է այդ երկրի ԱԳ նախարար Ջոն Բըրդը, որը նաեւ պարզաբանել է, թե` ՅՈՒՆԵՍԿՕ-ին Պաղեստինի լիիրավ անդամի կարգավիճակ տալը չի նպաստում մերձավորարեւելյան հակամարտության խաղաղ կարգավորմանը: Այդ մասին հաղորդում է ИТАР-ТАСС-ը:
Ավելի վաղ Կանադայի ԱԳ նախարարը լրագրողներին ասել էր, թե Կանադան ուրախ չէ ՅՈՒՆԵՍԿՕ-ի ընդունած որոշման համար. «Մենք հիմա գնահատում ենք կազմակերպությանն անդամակցելուց հետո այդ երկրի ապագան եւ որոշում, թե ինչպիսին պետք է լինի մեր արձագանքը»:
Հիշեցնենք, որ Կանադան ՅՈՒՆԵՍԿՕ-ի բյուջեին փոխանցում է տարեկան 10 մլն. դոլար, ԱՄՆ-ի ֆինանսական ներդրումն այդ կազմակերպությանը կազմում է ՅՈՒՆԵՍԿՕ-ի ամբողջ բյուջեի 22 տոկոսը:
ՅՈՒՆԵՍԿՕ-ն կազմակերպությանը Պաղեստինի լիիրավ անդամակցության մասին որոշումն ընդունել էր հոկտեմբերի 31-ին: Այդ որոշման օգտին քվեարկել էր 107 մասնակից-երկիր, 14-ը, այդ թվում` ԱՄՆ-ն եւ Իսրայելը «դեմ» էին արտահատվել:
