Շախմատի Հայաստանի U16 հավաքականը Թուրքիայի Իզմիթ քաղաքում անցկացված համաշխարհային օլիմպիադայում բավարարվեց 2-րդ տեղով: Մեր տղաներն ամբողջ մրցաշարում գլխավորում էին առաջին հորիզոնականը: Նրանք ընդամենը երկու անգամ առաջատարի դիրքերը զիջեցին ռուսներին. վերջինը՝ նախավերջին տուրում, երբ անսպասելի պարտվեցին ղազախներին, ինչն էլ հենց ճակատագրական նշանակություն ունեցավ: Ու չնայած եզրափակիչ տուրում Ղրղըզստանի նկատմամբ 3,5:05 հաշվով տարած համոզիչ հաղթանակին, մարզիչ Արսեն Եղիազարյանի սաներն այս անգամ ստիպված են բավարարվել փոխչեմպիոնի տիտղոսով: Հաղթող ճանաչվեց մեզանից ընդամենը կես միավոր ավելի վաստակած Ռուսաստանը, իսկ Իրանն ու Ադրբեջանը 27,5 միավորով բաժանեցին 2-3-րդ տեղերը:
