![\"\"](\"https://www.aravot.am/2011/aravot_arm/November/1/p13.jpg\")
ՌԴ պետդումայում անտրամաբանական են համարում երկրի կրթության եւ գիտության նախարարության երկատվելը, տեղեկացնում է «Ռեգնում» գործակալությունը: ՌԴ պետդումայի կրթական հարցերով պատասխանատու Գրիգորի Բալիխինն ընդգծել է, որ իր գոյության 7 տարիների ընթացքում նման կառուցվածքով կրթության նախարարությունը փաստել է իր արդյունավետությունն ու կենսունակությունը: Ռուս խորհրդարանականը նաեւ գտնում է, որ հանրակրթական դպրոցը բաժանել միջին մասնագիտական կրթությունից՝ ճիշտ չէ, մանավանդ՝ բարձրագույն կրթությունը հանրակրթության պատվիրատուն է: Ըստ «Ռեգնումի», 2012-ի ընտրություններից հետո ՌԴ ԿԳ նախարարությունը կիսվելու է երկու մասի. առաջինը զբաղվելու է դպրոցների ու մանկապարտեզների քաղաքականության մշակմամբ, երկրորդը՝ միջին մասնագիտական եւ բարձրագույն ուսումնական հաստատություններով: Վերջինը նաեւ պատասխանատու է լինելու գիտության ոլորտում պետական քաղաքականության իրացմամբ:
