Կորեացի դիզայներ Դոնգուկ Սեոյի (Donguk Seo) այս կոնցեպտն ունակ է նշանակալի հեշտացնել ինքնաթիռով հաճախ ճանապարհորդող մարդկանց կյանքը: Որպես կանոն՝ ուղեբեռի հանձնումն ուղեկցվում է տարբեր դժվարություններով. երկար սպասում ժապավենի մոտ, սխալմամբ վերցված ճամպրուկ և նույնիսկ՝ ուղեբեռի կորուստ: Դիզայներն առաջարկել է Tag Finder ուղեբեռի ճանաչման համակարգը, որն ունակ է օգնել ուղևորին գտնել ճամպրուկը: Այս մասին գրում է www.yankodesign.com-ը:
Tag Finder-ը կազմված է մեծ չիպից, որն ամրացվում է ճամպրուկի վրա և փոքր չիպից, որը մնում է տիրոջ մոտ: Համակարգն ակտիվանում է, երբ երկու չիպերն իրարից հեռանում են ավելի քան 10 մետրով, իսկ երբ մոտենում են, տիրոջ ձեռքում գտնվող չիպը սկսում է լուսային ու ձայնային ազդանշան տալ:
Նշենք, որ դեռևս պարզ չէ՝ ինչպես այս սարքին կարձագանքեն օդակայանների անվտանգության համակարգերը, սակայն Tag Finder-ը կարող է դառնալ iF concept design 2011 մրցույթի հաղթող:
PCnews.am
