«Ոստիկանապետի մասին որեւէ բան չեմ կարող ասել, որովհետեւ հենց ինքը հայտարարում է որ իրեն տեղյակ չեն պահել: Բայց դե, ստացվում է՝ իրեն փաստորեն առաջ են քաշել, տարել են ՀՀ նախագահի մոտ՝ նախագահի աշխատակազմի ղեկավարի տեղակալ են նշանակել: Բայց քանի դեռ ամեն ինչ հաստատ չի՝ ինչ ասեմ, չեմ մեկնաբանում»,- «Առավոտի» խնդրանքին՝ մեկնաբանել քաղաքապետի եւ ոստիկանապետի պաշտոններում անձանց փոփոխությունները, ասաց ՀՀԿ խմբակցության անդամ, ԱԺ Մարդու իրավունքների պաշտպանության եւ հանրային հարցերի մշտական հանձնաժողովի փոխնախագահ Ռաֆիկ Պետրոսյանը,-«Ինչ վերաբերում է քաղաքապետին, բնական է, որ եթե հրաժարական է տվել, ուրեմն պիտի նորին նշանակեին, եւ Տարոն Մարգարյանը երկար տարիներ թաղապետ է եղել, երկու տարի քաղաքապետարանում է աշխատել , փորձ ունի, խելք ունի, հնարավորություն ունի եւ Հանրապետական կուսակցության՝ կառավարող կուսակցության ներկայացուցիչն է, եւ օրինաչափ ձեւով առաջադրվել է, մնում է ակնկալել, թե ոնց կաշխատի: Կարծում եմ՝ լավ կաշխատի»:
