Էջմիածինն առաջիկայում կմասնակցի Իտալիայում կայանալիք «Կանաչ ուխտավայր» մրցանակաբաշխությանը: Այն շնորհում է Կրոնների դաշինք ու պաշտպանություն միջազգային կազմակերպությունը, որն ի դեպ` ղեկավարում է Անգլիայի թագուհու թոռը: Կազմակերպությունը, մինչ օրս Կանաչ ուխտավայր է ճանաչել աշխարհի ընդամենը տասը քաղաք:
Էջմիածինը, ծրագրում ներկայացնող Եկեղեցիների համաշխարհային խորհրդի Կլոր սեղանի անդամները համոզված են, որ մեր հոգեւոր կենտրոնը համապատասխանում է միջազգային կազմակերպության ներկայացրած չափորոշիչներին՝ ճանաչված ուխտավայր է, կանաչ ու մաքուր քաղաք` միշտ թարմացվող բուսականությամբ:
«Կանաչ ուխտավայր» մրցույթին մասնակցելուց առաջ Եկեղեցիների համաշխարհային խորհրդի Կլոր սեղանի անդամները Էջմիածնում ուսումնասիրել են ամեն ինչ. օրինակ փետրավորների ազատ արոտը հավկիթի ու առողջ թռչնամսի արտահայտությունն է, իսկ առանց թունաքիմիկատների աճեցրած բանջարեղենով տոլման, քաղցր սուջուխը, տեղում քամվող գինեհումքը` բնության հետ կապը խզած չլինելու դրսեւորում: Առողջ, էկոլոգիապես մաքուր սնունդը նույնպես ծրագրի պահանջներից է:
Մայր Աթոռի միաբան Ներսես աբեղա Հարությունյանի դիտարկմամբ` նմանօրինակ ծրագրերը ոչ միայն քաղաքը մաքուր պահելու եւ առողջ սնվելու կոչ են, այլև բարիքները ստեղծած մարդկանց քաջալերանք:
Կարդացեք նաև
Մայր Աթոռի և Էջմիածնի քաղաքապետարանի պատվիրակները վստահ են, որ Իտալիայից առանց տիտղոսի ետ չեն գալու:
Մարիամ Արսենյան
