Աջից առաջինը՝ Արման Միքայելյան
Մինչեւ 16 տարեկանների համաշխարհային օլիմպիադայի արծաթե մեդալակիր Հայաստանի հավաքականի անդամներն անհատական պայքարում երեք մեդալ նվաճեցին:
Իզմիթում թիմայինից զատ որոշվում էին նաեւ անհատական պայքարի լավագույնները: Այս առումով Հայաստանի շախմատիստները լավագույն արդյունքն են ցույց տվել՝ 4 խաղատախտակներից 3-ում մեդալ նվաճելով: Մեր հավաքականի առաջատար, միջազգային վարպետ Կարեն Գրիգորյանը, որը մասնակցել է բոլոր 10 տուրերին, վաստակելով առավելագույն՝ 8,0 միավոր արժանացել է 1-ին խաղատախտակի անհատական ոսկե մեդալին: 2-րդ խաղատախտակի առջեւ հանդես եկած ՖԻԴԵ-ի վարպետ Հովհաննես Գաբուզյանը նույնքան հանդիպումից 7,0 միավորով դարձել է բրոնզե մեդալակիր: Երրորդն է ճանաչվել նաեւ Արման Միքայելյանը, որը 7 տուրում իր անվան դիմաց գրանցել է 5,0 միավոր:
