Սիլվեսթեր Սթալոնեի մարտաֆիլմերից մեկի՝ «The Expendables – 2»-ի նկարահանման ժամանակ կասկադյոր է զոհվել: Զոհվածը պետք է փչովի նավակով հնարք ցուցադրեր, որը պիռոտեխնիկայի միջոցով պայթեցվում է: Մարտաֆիլմի նկարահանման ժամանակ մյուս կասկադյորն էլ բազմաթիվ վնասվածքներ է ստացել ու տեղափոխվել հիվանդանոց:
Ֆիլմը նկարահանվում է Բուլղարիայում, մայրաքաղաք Սոֆիայի մոտակայքում: Այժմ ոստիկանությունը քննում է միջադեպի մանրամասները: Մարտաֆիլմը նկարահանող «Nu Image/Millennium Films» ընկերությունը հաղորդագրություն է տարածել, որտեղ նշված է, թե սգում է տուժածների հետ կատարվածի համար:
Ֆիլմում նկարահանվել է աստղային կազմ՝ Առնոլդ Շվարցենեգերը, Բրյուս Ուիլիսը, Յետ Լին, Չակ Նորիսը եւ ուրիշներ:
