Հանգստյան օրերին Ջերմուկում էին մեր երկրում դիվանագիտական առաքելություն իրականացնող արտասահմանյան գերատեսչությունների 9 ներկայացուցիչներ (ԱՄՆ-ի, Ռուսաստանի, Ֆրանսիայի, Գերմանիայի, Չինաստանի, Ուկրաինայի, Բուլղարիայի, Լեհաստանի եւ Ղազախստանի դեսպանները), չնայած հրավերն ուղարկվել էր ՀՀ-ում հավատարմագրված բոլոր դեսպաններին:
Ջերմուկի քաղաքապետարանից տեղեկացանք, որ այցը ճանաչողական էր՝ նպատակն էր օտարներին ծանոթացնել Ջերմուկի զարգացման ծրագրերին ու զբոսաշրջային հնարավորություններին:
Դիվանագետները ճոպանուղի են նստել, հայկական կոնյակ խմել, եղել Ջերմուկի ջրվեժում, նաեւ հանրապետական պատգամավոր Աշոտ Արսենյանի «Ջերմուկ գրուպ» ընկերությունում:
Հիշեցնենք, որ ՀՀ կառավարության 2008 թվականի սեպտեմբերի 18-ի 1064-Ն որոշմամբ Ջերմուկը հայտարարվել է զբոսաշրջային կենտրոն, իսկ 2012 թվականի հունվարի մեկին պետք է ունակ լինի տարեկան 100 հազար զբոսաշրջային այցելություն եւ տարեկան 100 մլն ԱՄՆ-ի դոլարին համարժեք եկամուտ ապահովել:
Կարդացեք նաև
2012 թվականի հունվարի մեկից 60 օր առաջ Ջերմուկում նման ռեսուրսներ չկան, կան դիվանագետների կարճատեւ այցեր, քանդած ու չլուսավորված փողոցներ
