«Հայկական ժամանակ» օրաթերթի բանկային հաշվեհամարից ԴԱՀԿ-ն երեկ պետք է բռնագանձեր 6 մլն 234 հազար դրամ տուգանքը: Դատարանի որոշմամբ, օրաթերթը հենց այդքան գումար պետք է վճարի գործարար պատգամավորներ Սամվել Ալեքսանյանին, Ռուբեն Հայրապետյանին եւ Լեւոն Սարգսյանին՝ նրանց «պատիվն ու արժանապատվությունն արատավորող տեղեկություններ տպագրելու համար»: Սակայն, ինչպես «Ա1+»-ին տեղեկացրել է ՀԺ-ի տնօրեն Աննա Հակոբյանը, երեկ աշխատանքային օրվա վերջի դրությամբ իրենց բանկային հաշվից բռնագանձում չի եղել:
ԴԱՀԿ ծառայության աշխատակիցը, որը կտրականապես հրաժարվել է ներկայանալ, «Ա1+»-ի հետ հեռախոսազրույցում ասել է. «Հեռախոսով պարզաբանումներ չենք կարող տալ, պետք է անձամբ ներկայանաք ԴԱՀԿ, դիմում գրեք եւ միայն դրանից հետո տեղեկություն կստանաք»:
