ՀՀ Լոռու մարզի ընդհանուր իրավասության դատարանի վարույթում է գտնվում Լեռնապատի գյուղապետ Վանո Եղիազարյանի երկու հայցադիմումներն ընդդեմ գյուղի բնակիչներ Բորիս Աշրաֆյանի եւ Գեւորգ Մելքոնյանի: Ինչպես արդեն տեղեկացրել ենք, պատասխանող կողմում ինքնուրույն պահանջ չներկայացնող երրորդ անձ է ճանաչվել նաեւ «Առավոտը»: Տեղեկացնենք, որ Լեռնապատի գյուղապետը վիճարկում է պատվի, արժանապատվության եւ գործարար համբավին հասցված վնասը, պահանջում պատասխանողներից համապատասխանաբար 500 000-ական դրամ:
Երկու գործով դատական նախնական նիստերը նշանակվել են նույն օրը. Առաջինը՝ ժ.14-ին, երկրորդը՝ ժ. 15.00-ին: Գործը գտնվում է դատավոր Վարդուհի Հովնանյանի վարույթում:
Ռուզան ՄԻՆԱՍՅԱՆ
