ՄԱԿ նախագահ Գուրգեն Արսենյանը քաղաքական ուժերին հորդորել էր հետեւյալը. «Քաղաքական ուժերը թող բարի լինեն, հռչակեն իրենց թիրախը, թե ինչ են ուզում անել: Մեզ մոտ նույնիսկ քաղաքականության մեջ ներդրվել է շատ արատավոր մի սկզբունք. «կռուտիտ» են լինում: Ինչո՞ւ չեն հռչակում իրենց նպատակները»: Մեջբերում ենք մի հատված «Իրավունքին» տված հարցազրույցից:
– Մշտապես լավ հարաբերություններ ունենալով ժամանակի իշխանությունների հետ՝ հետաքրքիր է իմանալ, թե այս պահին Գուրգեն Արսենյանը քաղաքական դաշտում «կռուտիտ» լինելու խնդիր ունի՞, թե՞ ոչ:
– Գուրգեն Արսենյանը իր գործողությունների մեջ առաջնորդվում է մի տրամաբանությամբ, որի մասին որ խոսում է: Այդ տրամաբանությունը Գուրգեն Արսենյանին առաջին հերթին թելադրում է, որ իր երկրի երեք նախագահների հետ էլ ինքը պետք է լինի լոյալության շրջանակներում: Որովհետեւ նրանք երկրի պաշտոնատար այն անձինք են, որոնք ստացել են ժողովրդի աջակցությունը եւ ինչ-որ բաներ են անում: Գուրգեն Արսենյանը չի վիճարկում նախագահներից եւ ոչ մեկի գործողություններ, քաղաքականությունը, որովհետեւ այդ մարդիկ ստացել են ժողովրդի քվեն:
Կարդացեք նաև
Գայանե ԶԱՐԳԱՐՅԱՆ
«Իրավունք»
