Հռոմի Պապ
Բենեդիկտոս 16-րդը աշխարհի կրոնների եւ անհավատների ներկայացուցիչների հետ խաղաղարար հանդիպման ժամանակ հայտարարել է ահաբկեչությունն ու բռնությունը կրոնական նկատառումներով արդարացնելու անթույլատրելիության մասին:
Երկրագնդի կրոնական առաջնորդների հետ հանդիպումը տեղի է ունեցել հինգշաբթի օրը, իտալական Ասսիզի քաղաքում, Հռոմի Պապի նախաձեռնությամբ: Դրան մասնակցել են քրիստոնյաների, մահմեդականների, հուդայականության, բուդիստների, ինդուսների եւ այլ կրոնների ավելի քան 300 ներկայացուցիչներ, նաեւ անհավատներ:
Trend-ի փոխանցմամբ, Ասսիզի ժամանելուց հետո կրոնական առաջնորդները քննարկել են երկրագնդի վրա խաղաղություն հաստատելու հնարավոր ճանապարհների ու խաղաղարար առաքելության գործում կրոնի դերին առնչվող հարցեր:
Հինգշաբթի երեկոյան աշխարհի կրոնական առաջնորդները հանդես են եկել իրենց՝ խաղաղության ձգտելու մասին համատեղ հայտարարությամբ:
