Երեկվանից Գյումրիի «ԳԱԼԱ» հեռուստաընկերությունը սկսել է եթեր հեռարձակվել քաղաքի կենտրոնական հեռուստաաշտարակից, որը վարձակալել է ամսական 180000 դրամով: Նշենք, որ այս հեռուստաաշտարակը պատկանում է ոչ թե Գյումրիի քաղաքապետարանին, այլ ՀՀ կապի ու տրանսպորտի նախարարությանը կից Հայաստանի հեռուստատեսային եւ ռադիոհաղորդիչ ցանց ՓԲԸ-ին: Անկախ լրատվամիջոցի սարքավորումները մի հեռուստաաշտարակից մյուսը տեղափոխելու պատճառը ՀՀ վճռաբեկ դատարանի մոտ 5 ամիս առաջ կայացրած որոշումն է՝ հօգուտ Գյումրիի քաղաքապետարանի: Հիշեցնենք, որ 2008թ. նախագահական ընտրությունների ժամանակ «անհնազանդ» հեռուստաընկերության գլխին գործ սարքելիս ներքաշեցին նաեւ Գյումրիի քաղաքապետարանին, որը, տեր կանգնելով «ԳԱԼԱ»-ի քթի տակ գտնվող տիրազուրկ հեռուստաաշտարակին՝ դատի տվեց հեռուստաընկերությանը ու հարկադրեց սարքավորումներից ազատել իր գույքը: Ժամանակավոր եթերազրկվելուց հետո «ԳԱԼԱ»-ի եթերը արդեն վերականգնված է:
