Նախօրեին, ժամը 17-ի սահմաններում, Կապան-Գորիս ճանապարհի 39-րդ կմ-ում N զորամասի զրահամեքենան ճամբարային հավաքներից զորամաս վերադառնալիս դուրս է եկել բանուկ հատվածից, աջ կողմի վրա շրջվել, գլորվել դեպի ներքեւի ճանապարհահատված: Վթարի հետեւանքով զրահամեքենայի ավագ, 28-ամյա ավագ լեյտենանտ Արամայիս Հրաչիկի Սարգսյանը Գորիս քաղաքի հիվանդանոց տեղափոխվելիս մահացել է: Զրահամեքենայի մեջ գտնվող մյուս 3 ժամկետային զինծառայողները՝ շարքայիններ 20-ամյա Գագիկ Մարգարյանը, 19-ամյա Արամ Ալոյանն ու Կարեն Պարոնյանը, տարբեր աստիճանի մարմնական վնասվածքներով տեղափոխվել են ՊՆ Կենտրոնական կլինիկական զինվորական հոսպիտալ:
Ըստ news.am-ի, զինվորական հոսպիտալի ներկայացրած տվյալների համաձայն, զինծառայողների կյանքին վտանգ չի սպառնում: Կատարվում է նախաքննություն:
