Եկեղեցուն արտոնություններ տալու մասին հարցին պատասխանելով՝ վարչապետ Տիգրան Սարգսյանը երեկ ասաց. «Մենք երկուսուկես տարի առաջ խոստացանք հանրությանը, որ օրենսդրորեն կկարգավորենք այս հարցը, որ այն գույքը, որը պատկանում էր Մայր Աթոռ Սուրբ Էջմիածնին, նրան վերադարձվի, որպեսզի լինի սեփականատեր, որպեսզի կադաստրում գրանցվի սեփականության իրավունքը՝ իրավական գործունեություն իրականացնելու համար: Այս ճանապարհով էլ մենք գնում ենք, եւ այս իրավական ակտի ընդունումը հնարավորություն կտա վերջապես սեփականության իրավունք տրամադրել Մայր Աթոռ Սուրբ Էջմիածնին, հստակ հատակագծերը սահմանել, թե ինչ հողեր են հատկացվում, որոնք, ըստ էության, այսօր էլ որոշ եկեղեցիներում տնօրինվում են Մայր Աթոռի կողմից, բայց իրավաբանորեն ձեւակերպված չեն»:
