Հոկտեմբերի 22-ին «Հաշվառվել են, բայց կա անտարբերություն» հրապարակմամբ տեղեկացրել ենք, որ Սյունիքի մարզի հատկապես երիտասարդ բնակիչները անտարբեր են մարդահամարի նկատմամբ, շատերը նույնիսկ ծանոթ չէին հարցաթերթիկի հարցերին ու հաշվառվելու բեռը իրենց ծնողների ուսերին էին թողել:
Պարզվում է, որ առկա է նաեւ հակառակ պատկերը: Մարդահամարի նախապատրաստման եւ անցկացման համապետական հանձնաժողովը եւ մարդահամարի նախապատրաստման եւ անցկացման մարզային հանձնաժողովները պաշտոնապես դիմել են մարզի բնակիչներին եւ խնդրում են «մարզի բոլոր այն բնակիչներին, որոնց սույն թվականի հոկտեմբերի 12-21-ը մարդահամարի նպատակով հաշվարարներ չեն այցելել, այդ մասին մինչ սույն թվականի հոկտեմբերի 31-ը տեղեկացնել ՀՀ Ազգային վիճակագրական ծառայության /ՀՀ ԱՎԾ / մարզային գործակալությանը»:
Մարդահամարի նախապատրաստման եւ անցկացման համապետական հանձնաժողովը դիմել է նաեւ մայրաքաղաք Երեւանի բնակիչներին:
Ուրեմն անտարբեր են ոչ միայն Հայաստանի Հանրապետության բնակիչները, այլ նաեւ Հայաստանի Հանրապետության անունից եւ հանուն Հայաստանի Հանրապետության պարտականություններ ստանձնած անձինք:
