Հատված ՀՀ արդարադատության նախարար Հրայր Թովմասյանի հետ հարցազրույցից:
– Պարոն Թովմասյան, Ձեր ղեկավարած կառույցի ենթակայությամբ է գործում ԴԱՀԿ ծառայությունը: Ինչպես հայտնի է, ԴԱՀԿ ծառայության պետ Միհրան Պողոսյանին է պատկանում «Քեթրին Գրուպ» ընկերությունը: Վերջերս անգամ «Ազատություն» ռադիոկայանով անդրադարձ եղավ նրան, որ Պողոսյանը հյութերի վաճառման փողոցային կետեր է բացել: Այսինն՝ ԴԱՀԿ ծառայության պետը զբաղվում է տնտեսական գործունեությամբ: Ինչպե՞ս եք վերաբերվում այս փաստին:
– Ես շատ վատ եմ վերաբերվում, երբ որ պետական պաշտոնյան զբաղվում է ձեռնարկատիրական գործունեությամբ: Դա օրենքով արգելված է: Իսկ որ պաշտոնյայի կողմից ինչ-որ ժամանակահատվածում հիմնադրված կազմակերպությունը կարող է տնտեսական գործունեություն վարել… ցանկալի է, որ բոլորը իրենց տնտեսական գործունեությունը ընդլայնեն: Եթե կգտնեք ուղղակի կապ անմիջական իր կողմից կառավարման (նկատի ունի Միհրան Պողոսյանին- հեղ.) այդ դեպքում նոր կպատասխանեմ ձեր հարցին:
– Դուք չունե՞ք բիզնես:
– Ե՞ս:
– Այո, ասում եք լավ բան է, դրա համար եմ հարցնում:
– Ինձանից ի՞նչ բիզնեսմեն, ցավդ տանեմ: Լավ, էլի, ախպոր պես: Ինչ կա՝ այ հես ա (ձեռքով ցույց է տալիս գլուխը- հեղ.), ամեն մարդ իր գործով պետք է զբաղվի:
Գոհար ՎԵԶԻՐՅԱՆ
«Չորրորդ ինքնիշխանություն»
