Այսօրվանից ողջ հանրապետությունում օդի ջերմաստիճանը կնվազի 8-10 աստիճանով: Այս մասին «Առավոտին» հայտնեց արտակարգ իրավիճակների նախարարության «Հայպետհիդրոմետ» ծառայության օդերեւութաբանական կանխատեսումների բաժնի պետ Գագիկ Սուրենյանը: Իսկ Լոռիում, Տավուշում ու Սյունիքի լեռնային եւ նախալեռնային շրջաններում սպասվում է ձյուն: Գ. Սուրենյանի խոսքերով, այդ վայրերում օդի ջերմաստիճանը կնվազի 12-14 աստիճանով: Մայրաքաղաքում եւ մնացած մարզերում առաջին ձյունը կտեղա ավելի ուշ: Երեւանում առայժմ տեղումները կլինեն անձրեւի տեսքով:
