Հայաստանում տեղակայված ռուսական ռազմակայանի 300 զինվորներ ժամկետային ծառայությունն ավարտելուց հետո չեն կարողանում տուն վերադառնալ: Ինչպես տեղեկացնում է tert.am-ը՝ վկայակոչելով «Ինտերֆաքսը», զինվորների գործով հետաքրքրվել է ռուսական դատախազությունը: Հարավային ռազմական օկրուգի դատախազությունում հայտնել են, որ զորացրված զինծառայողները չեն կարողանում տուն վերադառնալ տրանսպորտի բացակայության պատճառով:
Դատախազությունը Զինվորների մայրերի կոմիտեի ներկայացուցիչների հետ ուսումնասիրում է ստեղծված իրավիճակը:
