ՀՀ կառավարությունը, ինչպես տեղեկացրել ենք, խորհրդարան է ուղարկել նախագիծ, որով նախատեսվում է հարկային արտոնություններ տալ եկեղեցուն: Ըստ նախագծի, Հայ առաքելական եկեղեցին ազատվում է գույքահարկից եւ հողահարկից: Օրինագծին կիր խորհրդարան է ուղարկվել նաեւ եկեղեցու սեփականությունների ցանկը, որը, ինչպես նշել է Մայր աթոռի դիվանը, խիստ նախնական է: Նախնական այդ ցանկը իսկական բացահայտում էր պատգամավորների եւ լրագրողների համար: Դրանից տեղեկանում ենք, որ Մայր աթոռն ունի դռների եւ պատուհանների արտադրամաս, կինոթատրոն՝ Չարենցավանում, արհեստական լիճ եւ լճի տակ գտնվող մառան, սրճարան՝ Գյումրիում, ֆուտբոլի մարզադաշտ՝ իր շրջակա կառույցներով՝ 11 կտոր: Մայր աթոռն ունի կաթողիկոսական վիլլա Բաղրամյան փակուղի 1 հասցեում, տրակտորային կայան՝ Տավուշի մարզում, պանսիոնատներ, առողջարաններ, առանձնատներ, հակահամաճարակային կենտրոնի շենք, ատամնաբուժական դիսպանսեր, տասնյակ բնակարաններ, տնամերձ հողամասեր, ջրավազան, ավտոկանգառ, անասնաշենք, հասարակական զուգարաններ…
Լուսինե ԲԱՐՍԵՂՅԱՆ
Կարդացեք նաև
«Հայկական ժամանակ»
