ՀՀ սոցիալական ապահովության պետական ծառայությունում ի հայտ եկած չարաշահումների փաստի առիթով ՀՀ ոստիկանության քննչական գլխավոր վարչությունում հարուցված քրեական գործի նախաքննությունը դեռեւս շարունակվում է: ՀՀ ոստիկանության հասարակայնության հետ կապերի եւ լրատվության վարչությունից մեզ տրամադրած տվյալների համաձայն, այս գործով ներկայումս մեղադրանք է առաջադրված 18 անձանց, որոնց մեջ կան ծառայության ստորաբաժանումների ղեկավարներ եւ սովորական աշխատակիցներ: Պետական բյուջեին պատճառված մի քանի հարյուր միլիոն դրամից այս ընթացքում վերադարձվել է ընդամենը 13 միլիոն դրամ:
Կարդացեք նաև
Այս քրեական գործի շրջանակներում հարցաքննվածների թիվը երեկվա դրությամբ կազմում էր մոտ չորս հազար հոգի: Մեր տեղեկություններով, մասնավորապես, ՀՀ սոցիալական ապահովության պետական ծառայության նախկին ղեկավար Վազգեն Խաչիկյանը հարցաքննվել է դեռեւս հունիսի վերջերին՝ վկայի կարգավիճակում:
