Կիրակի օրը Սյունիքի մարզի Քաջարան քաղաքում դժբախտ դեպք է գրանցվել՝ հրդեհ է բռնկվել, որի հետեւանքով ամուսիններ են մահացել: Հոկտեմբերի 23-ին, ժամը 15.35-ի սահմաններում, Սյունիքի մարզային փրկարարական վարչություն ահազանգ է ստացվել, որ Քաջարան քաղաքի Տերյան փողոցի 3-րդ շենքի թիվ 20 բնակարանում հրդեհ է բռնկվել: Դեպքի վայր ժամանած մարզային փրկարարական ծառայության հրշեջ-փրկարարական մեկ մարտական հաշվարկին հաջողվել է հրդեհը մարել, իսկ բնակարանում գտել են թոշակառու ամուսիններ՝ 1929թ. ծնված Արամայիս Գալստյանի եւ 1933թ. ծնված Ռոզա Սարգսյանի դիակները:
Կատարվում է նախաքննություն՝ հրդեհի պատճառները ճշտելու համար: Նախնական տեղեկատվության համաձայն՝ կրակը խոհանոցում է բռնկվել, ինչն էլ դարձել է ամուսինների տարբեր աստիճանի այրվածքների, ծխահարման եւ մահվան պատճառը:
