Հայաստանի լավագույն գրոսմայստեր, ՖԻԴԵ-ի վարկանիշային դասակարգման երրորդ համար Լեւոն Արոնյանը 2012 թվականի հունվարի 14-29-ը Վեյկ-ան-Զեե քաղաքում կմասնակցի 74-րդ անգամ մեկնարկող «Tata Steel» միջազգային մրցաշարին:
Ուժեղագույնների «A» խմբում հանդես են գալու 14 գրոսմայստերներ: Հոլանդիայում Արոնյանի մրցակիցները լինելու են Մագնուս Կարլսենը (Նորվեգիա), Սերգեյ Կարյակինը (Ռուսաստան), Վեսելին Տոպալովը (Բուլղարիա), Վասիլի Իվանչուկը (Ուկրաինա), Վուղար Հաշիմովը եւ Թեյմուր Ռաջաբովը (երկուսն էլ՝ Ադրբեջան), Գատա Կամսկին եւ Հիկարու Նակամուրան (երկուսն էլ՝ ԱՄՆ), հոլանդացիներ Անիշ Գիրին եւ Լյուկ-վան-Վելին, Ֆաբիանո Կարուանան (Իտալիա) եւ Դավիդ Նավարան (Չեխիա):
