Տավուշի մարզպետարանից տեղեկացանք, որ Վորլդ Վիժն (World Vision) կազմակերպությունն ու մարզպետարանը «Շահագրգիռ կողմերը միասին հանուն Հայաստանում երեխաների պաշտպանության համակարգի հզորացման» ծրագրով իրականացրել են Դիլիջանի երեխաների խնամքի եւ պաշտպանության գիշերօթիկ հաստատության թվով 11 սաների ընտանիքների կենսապայմանների ուսումնասիրություն: Հետո նշված 11 ընտանիքին տրամադրել են տարատեսակ տնտեսական եւ հումանիտար աջակցություն, որի արդյունքում զգալիորեն բարելավվել է նրանց սոցիալական վիճակը եւ պայմաններ ստեղծվել երեխաների խնամքը ընտանիքում կազմակերպելու համար:
Այս ամենի արդյունքում այս սեպտեմբերին գիշերօթիկ հաստատություն հաճախող 11 երեխա վերադարձել է իր կենսաբանական ընտանիք:
