![\"\"](\"https://www.aravot.am/2011/aravot_arm/October/22/p7.jpg\")
Մեծ եղեռնի 95-ամյա տարելիցին եւ Հայրենական պատերազմի հաղթանակի 65-ամյակին նվիրված լույս է տեսել Հովհաննես Կարապետյանի (Օնիկ Յուսուֆ) «Վերածնված կյանք մը» վավերագրական գիրքը: Հեղինակը տարիներ առաջ կնքել է իր մահկանացուն: Նրա սեւագիր գիրքը, որը պատրաստ էր հրատարակության, տպագրվել է Հայոց ցեղասպանության թանգարան-ինստիտուտի նախաձեռնությամբ: Եղեռնից հրաշքով փրկված Հովհաննես Կարապետյանը ներկայացնում է իր ծննդավայրի՝ Ադաբազարի հայության կյանքը, տեղահանությունը: «Անցյալը ճիշտ իմանալով՝ հեշտ կլինի ներկան արժեւորել եւ կարողանալ գնահատել. այդպես մեր երիտասարդության համար հեշտ կլինի ապրելը: Ահա թե ինչու ձեռնարկեցի իմ հիշողություններն անցյալի մասին գրի առնելը, իմ տեսածն ու լսածը երիտասարդությանը ներկայացնելը», գրել էր Հովհաննես Կարապետյանը: Մեկ շնչով կարդացվող այս հուշագրությունն ուղեկցվում է բացառիկ լուսանկարներով:
