«ԱրմենՏելը» Hi-Line բաժանորդների համար առաջարկում է «Ստատիկ IP-հասցե» ծառայությունը: Այն նախատեսված է Hi-Line ծառայության անսահմանափակ սակագնային փաթեթների (բացառությամբ «Մեգա+» ՍՓ) բաժանորդ հանդիսացող ֆիզիկական եւ իրավաբանական անձանց համար: «Ստատիկ IP-հասցե» ծառայությունն ապահովում է համակարգչի մշտական էլեկտրոնային հասցե, որը չի փոխվում համակարգի վերաբեռնավորման կամ ինտերնետին վերամիացման դեպքում: Այն կտրամադրվի ինչպես նոր, այնպես էլ գործող բաժանորդներին՝ գրավոր դիմումի հիման վրա: Ծառայության ակտիվացումն անվճար է, իսկ ամսական բաժանորդավճարը կազմում է 500 դրամ:
«Ծառայությունը հատկապես հարմար է այն բաժանորդներին, ում անհրաժեշտ է առանց դժվարության ապահովել իրենց համակարգչի հեռահար հասանելիությունը, կիրառել մասնագիտացված ծառայություններ կամ խաղեր, որոնք պահանջում են ստատիկ IP-հասցեներ: Այն հնարավորություն կընձեռի մեր բաժանորդներին առավելագույն արդյունավետությամբ եւ հարմարավետությամբ օգտվել ինտերնետից տանը կամ աշխատանքի վայրում»,- նշեց «ԱրմենՏել» ՓԲԸ գլխավոր տնօրեն Իգոր Կլիմկոն:
Նշենք, որ բաժանորդային վարձ չի գանձվում իրավաբանական անձ հանդիսացող բաժանորդներից, որոնք օգտվում են 1024 կբիթ/վ եւ ավելի արագությամբ անսահմանափակ սակագնային փաթեթներից:
